Beerpresentaasie Gardist online

Beerpresentaasie Gardist online

Presentaasie van “de Gardist” dit joar online!

Door ‘t Corona gedeuns kènne veer helaas dit joar gein presentaasie van ôs beer “de Gardist” doon zwoa wie veer dat gewènd zeen, same mit z’n alle bie de Fontein. Maar de Garde zou de Garde neet zeen, ès ver toch neet get zouwe verzinne. Doarom presentére weer dit jaor de nuuje Gardist online, mit ein filmpke!

 

De nuuje Gardist is eine Tripel gewoore

Geer höbt natuurlik de aafgeloupe paar daag gezeen dat veer ein nuuj soart beer höbbe loate broewe door Rik en Lonneke van de Fontein. En veur de sjlum luuj onger ôs: nei dat is neet in driej daag kloar! Noa 11 edities van donker döbbel beer, vonge veer ut tied veur gèt nuuts en doarom introducére veer noe eine Tripel. En dea is ech lekker gewoore! Oug zeen veer van de bekènde grwoate flèsj aafgestapt, en beeje veer noe de Gardist aan in ein leuk pakketje van 3 flèsjkes van 33 cl per stök. Weer houpe dat geer ‘m net zwoa lekker vènjt es weer!

 

 

Online besjstèlle in ozze webwinkel

Ger kènt de nuuje Gardist online besjtèlle via ozze website. Klik effe op ‘t knupke ‘winkel‘ in ut menuuke boavenaan de site. Noadat geer ein bestelling höbt geplaatst, kent geer het beer komme ophoale bie Bo-Tek op de Kruisstraat 15. Weer houwe eine drive-through op zoaterdig 4 en 11 december tösje 11 en 15 oer. Es ger later besjtèlt, vroage veer uch om effe ein aafsproak te maake mit René via rene@bo-tek.nl.

Reageren is niet mogelijk.