GardeQue ’21

GardeQue ’21

Noe langzaamaan alles weer ein bietje los geloate liek te kènne weare, sjtarte veer bie de Steinder Garde oug weer langzaamaan op. Om te beginne höbbe ver de joarlikse GardeQue gehad aafgeloupe wiekend. Gelökkig hauwe ver hjeal good wear, en kooste ver lekker ein stök wenjele en ein terrasje pikke.

Veur de eerste keer weer op ‘t terras mit de Garde

Ut waor sjiek dat veer os allemoal weer èns same biejein zoage no zwoa’ne lange tied, en toch oug ein bietje raar om op ‘t terras te zitte. Noa ein hjearlikke tas koffie (jaja) en ein sjtök vlaai zin ver truuk geloupe noa ‘t nuuj hoes van ozze Jack en Marianne.

Jack aan de BBQ

Jack heat hjeal good veur os gekoak, en ut woar weer èns ouwerwets gezellig. Ut is waal nog ein bitje aafwachte wat waal en neet geit kènne in ut nuuje carnavalseizoen, maar veer höbbe d’r in eeder geval weer zin in!

 

Reageren is niet mogelijk.