Nuut broewsel in de maak!

Nuut broewsel in de maak!

Weer höbbe weer eine updeet euver ôs beer “de Gardist”! Ozze beercommissie heat ein beslissing kènne make euver ein compleet nuuj recept, en Rik en Lonneke höbbe ongertösje de ingrediënte bènne gekrége.

“Ut nuuje recept bliet waal nog ff geheim!”

Gelökkig heat Rik mjèa verstèndj van beer broewe dan ozze commissie, want d’r kumpt nogal gèt biej kieke behalve ut oetkeeze van de ingrediënte! Ozze veurzetter is bès waal get gewend, mèr tsjuu wat zitte d’r voal knupkes op zwoa’ne broewkeatel! Es dat mèr good geit…

“Joa, alles zit d’r in René! Vertroew Rik noe mèr, dea heat dat al èns jèader gedoan!”

Ongertösje is de broewkeatel gevöld, en kènne ver röstig aafwachte totdat ‘t broewproces kloar is. Veer kènne alvas verklappe dat de nuuje Gardist eine ganse angere weurt dan dat geer van ôs gewend zeet! Houd ôs nuuts good in de gate, want ut doert noe neet mjèa lang en dan presentére veer de nuuje Gardist!

Reageren is niet mogelijk.